O xulgado de Vigo, que abrangue toda a provincia, especializado en cláusulas abusivas nos contratos de préstamo, vén de darnos a razón unha vez máis.
Esta vez declarando abusivas, non só a cláusula chan, senón tamén a de xuros por retraso no pagamento de calquera cota e a posibilidade de que o banco dea por vencido o crédito case ao seu arbitrio.
Isto tradúcese en que a entidade bancaria ten que devolver as cantidades cobradas de máis por todos os conceptos, incrementadas co xuro legal desde a data de cada cobro indebido. Ademais o banco perde a posibilidade de dar por vencido o crédito ao mínimo impago.
Por se for pouco, a entidade queda obrigada o aboamento das custas do preito ás que tivo que facer fronte o noso cliente.
Máis sobre nulidade de cláusulas abusivas nos contratos de hipoteca.
O xulgado de Primeira Instancia número 2 de Vigo, acaba de ditarnos sentenza acordando o reintegro dos gastos hipotecarios asumidos polo cliente; concretamente condena á devolución dos gastos de Rexistro, taxación e xestoría asociados á constitción da hipoteca.
